ISO (International Organization for Standardization) hi service hrang hrangte inrelbawl dan leh hna thawh dan tehfung pawm tlak duangtu leh tehna siamtu a ni a.
Mizoram State Health Care Society inbuatsaihna atan hian Mizoram Health System Strengthening Project (MHSSP) aṭangin technical leh financial support pek a ni a. February ni 9 - 11, 2026 chhungin Certification Body, United Registrar of System (URS) atangin audit a hmachhawn a. Mizoram State Health Care Society chu a inrelbawl dan leh hna thawh dan te endik a nih hnuah tehfung hrang hrang te a zawm ṭhat avangin Certification pek tlaka pawm a nih hnuah Certification hi February ni 18, 2026 ah pek a ni ta a ni.
Mizoram State Health Care Society in ISO Certification a hmu hi Office inrelbawlna ṭha leh mipuite tana service ṭangkai pek chhuah kawnga hmasawnna lawmawm tak a ni.
